Nýjar Upplýsingar á síðunni
Nú ætlum við að fjölga upplýsingum á síðunni okkar, hér og þar á síðunni má framvegis sjá merkin hér fyrir neðan og munu þau tákna ýmsar nytsamar upplýsingar. Hvernig hægt er að gera við, hvernig er best að þrífa flík eða tjald og hagnýtar upplýsingar. Þessar upplýsingar má líka sjá í fróðleikshorninu.
Hreinsaðu vatnspokan þinn!
Margir eiga vatnspoka með slöngu í dag. Nauðsynlegt er að þrífa hann reglulega svo ekki komi mygla í hann. Besta ráðið er að nota klórlausn til að þrífa hann. Settu hálfa teskeið af klór í pokann og slatta af volgu vatni. Hristu pokan vel og losaðu tappan svo klórvatnið geti farið yfir gengjurnar í tappanum þegar þú hellir úr. Kreistu bitstykkið svo klórvatn fari í gegnum slönguna. Til þess að losna síðan við klórbragðið er pokinn fylltur af matarsóda blöndu (1 teskeið af matarsóda í líter af vatni) og gert eins og áður. Að lokum skolið síðan pokann einu sinni með köldu vatni, opnið hann síðan og látið hann þorna vel.
Soðið vatn til þvotta!
Notaðu vatn og hita til að hreinsa pottana. Þegar búið er að tæma pottinn af kássunni sem á að borða og allir eru að fá sér bita. Þá er kjörið að setja vatn í pottinn, lokið á og kveikja undir honum. Þegar það er farið að sjóða, slökktu þá undir honum og leyfðu heitu vatninu að vinna sína vinnu. Málið er að vatn er öflugt leysiefni og saman með hita og gufu þá getur það náð jafnvel verstu blettum. Þú getur svo nýtt heitavatnið til að þvo diska og bolla eftir matinn.
Nýjar vörur - Icebreaker
Nýjar vörur eru farnar að koma til okkar í stórum stíl. Erum nýlega búin að taka upp úr kössunum frábæra undirfatnaðinn frá Icebreaker. Kominn í mörgum litum og útfærslum. Nýtt í ár er að við erum með Icebreaker hlaupaboli fyrir konur og karla frá þessu frábæra merki. Einnug fengum við fallega toppa á konur. Kíkið endilega við og sjáið þessar nýjungar hjá okkur.
Póstlistinn
Íslensku Alparnir 
alparnir.is 
